by

EBF Uai-nau hetan Apoio Fasilidade Prevensaun Covid-19 husi OMS

Iha loron 01-10-2020 ekipa husi Organizasaun Mundial da Saude (OMS) distribui materiais prevensaun Covid-19 ba Escola Básica Fillial (EBF) Uai-nau.

Coordenador da Escola Básica Fillial Uai-nau Saturnino da Silva hateten: Agradeçe ba OMS tamba bele responde ona sira nia ejijensia.

” Hau agradeçe liu ba OMS nebe tau ona atensaun ba ami nia Escola, no sira simu duni ami nia sujestaun nebe ami hoto’o ba sira, kuando sira mai ami nia Escola ami sempre sujere no sira sempre tau ba konsiderasaun, sasan sira ne’e mai mos tuir duni ami nia ejijensia nebe ami husu ba sira, ita hotu servisu hamutuk atu nune’e ita nia estudante sira no ita nia oan sira labele hetan moras ida ne’e.”

Saturnino da Silva mos informa tan katak: difikuldade nebe Escola hasoru kona-ba prevensaun Covid-19 nian mak maskra no sabaun desinfetan.

” Kona ba balde ami sufsiente ona, tamba ami simu dala 2 ona husi OMS, maibe liu-liu ba maskra no sabaun desinfetan ne’e husu para Ministerio relevante no OMS ajuda nafatin tamba Escola no estudante sira osan la iha atu sosa.”

Cada semana iha loron Sàbado, Professores hamutuk ho guarda Escola sempre rega aimoruk desinfetan ba sala de aula hotu-hotu iha EBF Uai-nau, hodi proteje nafatin estudante no Professores sira husi virus Corona. Apoio hanesan balde,baiklin makina rega aimoruk desinfetan no seluk tan, EBF Uai-nau hetan ba dala 2 ona husi OMS.

Jornalista: Zethy Silva

Editor: Jally Silva

Comment