by

Chefe do Suco Bucoli Rezeita Informasaun kona-ba Ema nain Lima(5) Mate Derepenti iha Bucoli Tamba Covid-19

Durante semana ne’e nia laran espalha informasaun iha komunidade nia let katak ema nain lima nebe mate iha Bucoli ne kauza Husi Covid-19.Hatan ba informasaun ne’e  Chefe do Suco Bucoli, Terezinha De Jesus Dos Reis iha Nia Residensia Bucoli, Quinta-feira ne’e (14-01-2021) hateten: ema nain lima (5) nebe mate derepente iha Bucoli kauza husi Covid-19 ne’e bosok.

“Informasaun nebe Autoridade Local Bucoli rona katak; Mate iha Bucoli hamutuk ema nain Lima (5) mate derepente deit ne’e bosok. Hau dehan ba imi ema sira nebe mate ne’e iha hotu moras mak mate,nain rua deit mak mate iha uma, do Resto ne’e mate iha Hospital, laos mate hamutuk iha uma ida. Husu ba maluk sira, se mak hakarak mai Bucoli mai deit, Covid iha ne’e la iha ida.”

Chefe do Suco Bucoli mos informa katak, iha dia 4 de Janeiro 2021, Iha Sra. ida ho naran Jaquelina fila husi to’os, besik mai nia uma mak monu iha dalan no lori to’o ba Centru Saude Bucoli Sra. mate ona. iha fali dia 6 de Janeiro 2021, iha tan Sra. ida ho naran Martinha da Costa atu ba hamos to’os no mate hela iha nia uma kotuk. Tamba ne’e mak nudar Autoridade Local, Chefe do Suco Bucoli kontaktu direita ba ekipa prevensaun Covid-19 Municipio Baucau.No Ekipa Prevensaun Covid-19 Municipiu Baucau mos to’o duni iha fatin hodi foti amostra atu halo analiza.

Liu tiha loron tolu ekipa Prevensaun Covid-19 Municipio Baucau mos Pasa fali informasaun ba Chefe do Suco Bucoli katak Sra. Jaquelina nebe mate iha dia 4 de Janeiru ne’e mate tamba sofre moras fuan no sra.Martinha da costa nebe mate iha dia 6 de janeiru ne mate tamba hipertensaun la kontrolada no nain tolu seluk ne’e mate iha Hospital Regional Eduardo Ximenes Baucau.

Jornalista             :Zethy

Editor                    :Jally

Comment