Kona-bá Ami

by

Radio Popular Coulelemai Bucoli harí husi comunidade sira ne’ebe halibur-an iha grupo Tali Fukun Naroman Bucoli, ne’ebé supporta husi ONG nasional ho naran Sahe Instituto ba Libertsaun.

Radio Popular Coulelemai Bucoli harí iha loron 28 fulan fevereiru 2004 iha aldeia Macadai de Cima suco Bucoli Distritu Baucau ho frekuensia 102,5 Mhz. Objetivu harí radio ne’e atu espresa sai atividade ne’ebe grupo Tali Fukun Naroman halo no komunidade nia lian no hato’o fali ba comunidade Nune’e bele hari komunidade ne’ebe iha responsabilidade ba informasaun ne’ebe iha.

Iha loron 16 Setembro 2013 Liu husi Encontro Konselho Radio hodi halo Statuta radio nian, Radio Popoular Coulelemai Bucoli muda naran ba RADIO COULELEMAI SAHE BUCOLI.

Naran radio ne’e foti husi naran revolusionario Timor Leste nian ne’ebe mai duni husi suco Bucoli, Revolusionario ne’e mak: Vincente Reis (Bieki-Sahe) konhesido ho Sahe.

Moto Radio Coulelemai Sahe Bucoli nian mak “Husi Anin Rona no Hato’o Lian Comunidade”.